一個月的前一天
時間過得好快，聽日同你就係一個月喇......
好似好快，但我想再快d,唔知點解，同你一齊ge時間過得好慢，
係因為我地成日見定係點?
其實呢個月，我真係好開心
雖然你好蠢，成日都好似一舊飯咁，但我會努力改變你
我要你對住我戈陣唔係一舊飯~
有時我會覺得你對我好好，我會好感動，但你未必感覺到
你對我唔好戈陣時我會用'你係一舊飯' ge借口去原諒你，所以你唔會知我嬲過
我好想你有咩都同我講，但你偏偏做唔到，
好想你對我ge好 係出自真心而唔係你強迫自己做出黎ge，
猜.....係一種好傷腦筋ge遊戲，同你一齊，會有好多'好想'
但我會等，因為我愛你
我叫自己好好珍惜你，
我亦都好希望你真係值得我珍惜啦，同時希望你好好珍惜我啦
原來，愛情可以係咁，係摸不透ge情況下依然會毫無保留.............
posted by kitty仔~~ @ 11:11 pm
22 Comments:
kitty:
help!!!!嘔..但對的..經過我幾次對爸b既印象,唔,,,佢真係幾好(公仔面事件),但身為女人既我地要睇定d先作下判斷,不過我都希望你地不要求天長地久,只要細水長流..呵呵,,
kitty,我地聽日要win大錢!!
KITTY!!!
咪扮野啦!!!系度狂曬)))))
一個月加油丫!!!
kitty，要繼續嬌艷丫!!!
死8婆!!!之前一味話我咁緊張under,話我係蠢女人!等我仲以為你真係可以咁潚灑,而家輪到你抽唔到身啦!!你己經去到一個不能自拔既地步啦!!你己經放唔低佢啦,成日係度扮晒野咁,實則不知冧到死左!!連fd都唔洗理啦,自己走左去bbq都得,枉我地等你咁q耐,你去死啦~~有口話人冇口話自己的死歐巴桑!!!!
美美:多謝你的祝福,我同佢一定會細水長流的.哈哈.........
神奇:我冇曬ar,有咩好曬wo~~只不過係有感發姐,不過我而家自己睇返都有d想嘔ar..
寶芯妹:做咩咁勞燥ar.....戈日當係我對你地唔住囉,但我都唔想嫁,你要體諒我至得嫁,如果我有渣車,我就可以隨時走人姐,但我冇,點走???我都有苦衷,但點講都好,係我唔岩,sorry,以後都唔會,我唔要做重色輕友ge女人!!!
哼..寶芯無話錯你家~唔好再搵借口,免得我更嬲你,做得出就要認,唔好好似d人咁..唉..我對佢(你bfd)印象差..講一套做一套,kitty你變左la~三小花我好想離開,因為我唔開心亦忍夠,原來有d野等係無用,只會等下等下連解決機會都無,本來你第一日番戈份新工,我好想打個電話問下你點,但諗番之前d野我迫自己唔再理你,因為咩都夠la~好多野真係番唔到轉頭.即使我唔仲意佢,但只要佢可以令你開心就ok喇~有時一句對唔住唔係大曬家!!
你根本係個重色輕友ge女人,咩叫當你錯呀?邊個同我講去澳大攪d野~點知就去左水庫,如果你咁呃我地無錯,咁我同河童係屋企呆等電話係錯la~咁我地同你講句sorry 好唔好?咁無口齒又係口岩ge~一直我都好听你講,今年你教識左我講一套做一套,我最唔開心唔係以前ge經歷喇,而係因為你地~!
加油a
kitty媽...
數數下..就好多個好多個月架la~
hehe
by east
do>>你都唔洗咁慶既,唔好講到連三小花都冇得做先得嫁..又唔洗咁誇張下話...我果日鬧佢都係發下悔氣姐,有時d野唔洗咁執著既,都過左去啦!既然kitty咁有誠意公開道歉咪饒佢貓命囉!咁呀峰都唔係話唔好姐,我覺得佢冇乜唔妥呀~佢踩親你條尾咩,你做乜咁憎佢姐?
真正的朋友係經得起考驗,何況你地都係著緊kitty先會甘姐,人人都有唔知自己做咩既時候,kitty都認錯,算啦,願你地友誼永固.
KITTY~你要加油啊~
我覺得你好幸福,因為你會為左一個人而煩惱,
係一件好事黎ga~
你一定會同佢好好ga~
祝福你啦!
多謝你地各位 ge支持,咁睇好我...係愛情ge路上都要有友情ge支持先係嫁,唔係盡管真係幾開心都冇用啦!!!
re dodo:真係估唔到原來你會咁嬲,我冇厄你囉,我唔係特登返去搵佢,你信唔信都好啦,我份人真係唔中2講大話,我唔想解釋,亦知道解釋冇用,唔通呢兩樣野真係唔可以并存?講真,我唔想放棄任何一樣野囉.幸福,要自己爭取,請你唔好咁輕易話放棄我地呢段感情啦!!!please call me!!
旁人可能會認為我執著,但kitty應該知咩事,河童一向唔幫我,我唔介意,因為你亦未了解過我,所以你先會認為我好隨便就話想離開三小花!如果你願意花少許時間諗下你對我有幾認識,對kitty又幾了解,自然你會找到答案,我一直都好希望到老之後大家都係好姐妹,不過你有當過我係咩?三小花,好多時做好多野都無我份,我就好似外人咁,你地有無理過我ge感受呀?
我係哩度每打哩度一篇都有我ge血淚,記得高三你因為我喊過一次,戈一刻我好心痛,但又唔可以比你知,最後雖然和好,但問題卻一再累積,戈刻我知道你都好在意我,表示你對我都有一份執著,不過依家係點你我心知,我對你地都好執著,特別係你,所以我難過,就算你地唔叫我我都決定唔再對你地執著,我就好似張個彈球拋入水咁--無回應,咁我不如張個球拋向牆,起碼佢都識彈番埋黎!
我一向都有戈句講戈句,戈日kitty 戈bfd的確講野好過份,不過我唔記得la因為我唔在意,如果河童認為我係d咁ge人,我都無辨法因為你有時間都去關心你bfd la~我一直都無介意你重色輕友,因為我明你,我只係介意你唔明白我同埋我地開始變得陌生!kitty我無要你選d咩野(愛情定友誼),因為咁你會好痛苦,我知道!之前我一直想提出我地之間ge問題同埋供固我地ge友誼,但你唔想,不過我只係發現問題已經去到連我都想放棄ge程度!物你都知朋友ge支持係好重要ge咩?我唔開心咀喪ge時候,你地去左邊呀?唔好話我唔講你知,係你話過唔想听到我講d唔開心ge野同埋對住你喊,所以我唔開心都唔敢同你講,人唔傷心唔流眼淚,我病左你地有無關心過我呀?好姐妹係咁ge咩??
你地講ya??你地有事我無第一時間幫你咩?河童你諗下你抄車邊個擔心你有無受傷?而你點對我?你哩幾個月黎搵過我幾多次呀?五隻手指數得曬,仲要點解先搵我,你比我更清楚!當初係邊個有份叫我留係澳門讀書唔好走,以前ge友誼已經唔係度!我唔想再講la,咩都無意思la,你地仲意點諗我都無所謂,我唔會再回覆,因為我唔想再睇多次鏡湖眼科同埋我要對現我對錫我ge人ge成諾!
re dodo>>我覺得根本呢件唔係一件好嚴重既事,kitty啱啱拍拖緊張d好正常,因為剛開始係好需要時間去穩固呢段感情,我自己開頭同under一齊果時都係咁嫁啦,你果時都唔會咁對我嫁,我炒車果時你係第一個係我身邊既人我真係好感動,我會好多謝你!但係你話我呢幾個月來搵你既次數五隻手指數得晒我就好唔認同囉,第一我日日都返工,而且要輪更,under都好少時間見,但我起碼耐唔耐都搵你,上次整頭髮我聽kitty講你都想補電我即刻搵你啦,我同公司d fd去唱k都成日叫你去嫁啦,你講d咩呀,你話我果度冇靚仔,同埋去energy唱你就一定唔去咋,你比d咁既說話我聽我都冇同你計,我呢幾個月最少都有搵你兩次啦,你生日我地明知你唔會主動搵人都係我同kitty主動幫你搞,到我生日又係我搵你既,咁叫我冇搵你咩,相返你又唔洗日日返工,又冇拍拖你最近果次搵我係幾時呢?但我從來冇同你計過喎,你仲惡人先告狀?你話我徧幫kitty,你兩個都係我既fd我冇話幫邊個,我講道理姐,我覺得係fd就唔洗咩都咁執著!知唔知點解我同kitty唔會出現呢d問題,因為kitty會成日打比我,所以我都會覆返佢,即使我返緊工佢都會打來問下我,你就一味要我主動找你先,我唔搵你你又唔搵我,跟住你又話我唔搵你咁你想我點?我搵左你又話我冇搵,你點會咁都講得出口嫁?我都係同kitty一樣唔想三小花散,而家只係睇你一個,你睇到的話你唸清楚啦~!!
生日戈日我真係有d唔開心,你地就好似枯衍我咁,同樣我d fd叫我去食野,但我開心好多,因為人地係好有誠意比戈心出黎,真係感受到咩叫溫暖,同你地我就好似做緊馬騮戲咁,與其係咁我寧願你地打個電話或者sd個信息比我好過,戈日我喊左一晚,一個好孤單ge一晚,諗番起我都仲好難過!我之前咪講過lo..我真係唔識計你d更數,我叫左你放假就搵我la~上次等車去唱k,你話悶無人得閒陪你,我話你咪搵我lo..我一定陪你ge,但你話想under陪你,戈刻我只有無奈并對自己講算la你就是這樣我明!我地三個一齊永遠我就好似同你地唔屬於同一個空間咁!你地去街好似永無我份咁,有ge我就像隨從!其實以前我地都唔係咁家~我一直希望我地ge友誼可以好似s.h.e咁,真係可以好似姐妹咁,并唔係普通ge朋友,以前真係咁諗,我地之間ge默契,關心等等,唔知幾時已經唔存在喇!記唔記得我一向唔善於燒烤一燒就變炭,你地就燒野比我食,戈時我好開心你地無?棄我,但我好唔好意思覺得自己好蠢燒野食都唔識,所以我就做幫你地送水串食物,不過以後我會學燒...因為...!我地唔好再係kitty戈blog到講自己d野喇~我地三個ge事唔想比人知!有野可以sd去我個e-mail~!
呢個係我最后一篇係呢個topic既留言,我唔想再講落去,我唔知點解會比人講埋一份!under係我BF我想佢陪好正常姐,有乜唔啱呀?況且我同佢一向都聚少離多你都清楚啦!你年年生日都唔會主動搞無非都係想人地幫你搞姐,仲記唔記得你同double一齊果年生日呀,我地特登幫你搞你都話唔開心,so今年我地本來唔幫你搞嫁,等你自己想點搞就搞,但你都係比我地估中唔打比我地講你想點搞,KITTY唔忍心話點都出來飲下野唔好完全唔理你會好hurt,我地既生日都係自己搞嫁啦,幾時有只以過你幫我地搞姐(除左第一年),而家我地幫你搞埋你都仲話唔滿意,第一次係咁兩次都係咁我真係估唔到你會講埋d咁既野囉,你覺唔覺得好過份姐!枉我地咁關心你,而你就成日唸埋一邊仲要話我地唔好,前幾日呀bee同你講kitty叫埋你落bex你竟然話有佢冇你,我聽到真係覺得你好絕!好好地做乜要搞到咁,仲有你話我地唔關心你唔搵你,你唔知我更數都可以打比我,我實覆你嫁,kitty都係咁搵我嫁啦,我唔係冇搵你個喎,你話我地唔關心你唔該你回憶一下你以前同double散果時我地係咪成日打比你關心你,你有次同我講講下呢件事喊,邊個乙水返你笑,kitty係咪晚晚三更半夜打比你,你比電話騷擾我地有冇關心過你先~有好多野唔係亂咁講嫁,講左出來都要唸下對方既感受,同埋有d野係兩面睇既,我唔係話要數你d乜,亦唔係要o係呢個blog度鬥數臭比人知,你仲要同kitty個fd講埋d咁既野係咪想挑撥離間先?我好反感你咁樣做,總之一句到尾我同kitty都係唔想再咁樣落去,希望你原諒kitty同埋份人大方d主動少少搵你既朋友,唔好成日話人唔搵你,有心搵我就算唔知我返咩更都可以搵的,我地會等你既電話!!!!
to dodo
就算我忙戀愛 把你冷凍結冰
你也不會恨我 只是罵我幾句
如果不是你我不會確定
朋友比情人更懂得傾聽
我的弦外之音 我的有口無心
我離不開Darling更離不開你-----from 范瑋琪 - 一個像夏天一個像秋天
阿bee件事我唔知..唔好屈我!!我都估唔到你會咁睇我lo..
Post a Comment
<< Home