LET'S GO CRAZY..........SOLER

好開心終於去完個HK之旅LA
今次GE旅程我比9分
(仲有1分係衰在冇錢,唔可以係咁買曬我中2GE野)
HK D野有D真係幾靚,有好多我好中2 GE MILO仔同黑超B呢
真係好想買曬佢地返屋企..可惜。。。
今次去HK只不過用左$600左右,但開心程度就無限喇
因為有一大班傻人陪我去,沿途笑聲不斷,
係笑到不得了戈隻,笑到喊ar....
唔知點解次次同親你地一齊,就總有一D令我估唔到GE事情發生
到左全日GE戲肉就緊係睇SOLER啦
好感動,竟然可以係紅館度叫佢地個名,為佢地打氣
一見到佢地出現係個台度,就好想大叫喇
冇辦法,因我已經失魂...
我地已經將SOLER GE CRAZY演繹自如
最搞笑就係估唔到自己竟然會走番去中學時代咁
瘋狂地迷戀偶像....有點糊但好開心
這都全因呢班傻人,冇你地我唔夠膽自己一個係度發癲
最後緊係要多謝臭老尾啦
冇佢都唔會有咁開心GE一日
希望不久GE將來,仲有機會可以一齊出去玩LA!!

係咪好涼爽啊 !!!!!!>>>魚爆=.=!!

好開心啊~~~我終於決定左聽日去香港喇~死就死啦
玩埋今舖啦
於是我今日補完習後就打算去問silvia拎支白色指甲油搽靚佢聽日見soler啦
拎完之後就去問我個fd拎d野
好奇怪,當我出車戈陣..唔知點解附近成班阿叔係咁望住我
跟住我唔理,照出車..點知行吾夠十步,
成班差佬係前面dup人,仲叫左我埋我tim
當時我心諗,驚你咩..我有車牌
點知行到埋去.班差佬就係咁笑,問我係咪hi大左,訓醒未,係咪好涼爽呢咁
戈一刻,我先發現..pk!!!原來我唔記得帶頭盔啊
跟住我狂say sorry,勁扮可憐咁(可能跟本就好可憐)
但佢都抄低左我個車牌
之後個差佬就話比次機會你,下次如果你想涼爽d或者驚整亂個頭就唔好"查"車喇
我狂say yes...心諗使唔使咁串啊..仲唔夠魚咩..pk
於是就開車走人.........

''soler'' vs''money''

唉~~點解要同我講,點解要係呢個時候同我講...

係我最冇錢ge時候,竟然叫我去香港睇soler演唱會...

真係好難決定,好吸引,好想去啊

咁大個女都未去過紅館睇show,仲要係睇soler tim~

但係真係冇錢丫ma人地

船飛都要三舊啦...好貴...仲未計食野同買野喎

但我又驚我唔去dino見唔到我會好唔開心wo

唔通真係要我搾乾搾淨?

好似好幼稚咁,但又唔想錯過呢個機會wo

如果你地係我,會點做啊? 煩惱中ar..>_

※’’好開心’’Ｘ一百萬次 ■■■

真好開心啊~~~好想將呢份感覺大叫出黎啊..
前日係星期五,我終於可以擁有真真正正屬於自己ge電單車la..
雖然而+成身得番一舊水,仲要捱到下個月五號,但都心甘命抵..
以後又多一個仔喇,又要供書教學,真係要慳d洗喇..
vino仔:雖然媽咪好窮,但我一定會比最好ge野你嫁!!
雖然我最愛都係evo,但你都唔好呷唶啊.因為你有好多野好過佢
雖然你好肥,攝唔到車位,但勝在夠安全
雖然你唔夠佢型,但好可愛,肥肥矮矮咁,好襯我,好岩feel ar~
希望我地以後可以和平咁相處la..睇住我啊~~仔
我都唔想萬幾蚊換黎一身傷痛嫁!

....＊..。☆.心如刀割．☆....

天氣回暖了,但我的心,卻因為一個人而變得寒冷.......

今日放學一出圖書館門口,就聽到一把熟悉而且親切的聲音在叫喚我,回頭一看....喔~原來是我親愛的老公,我見到佢威風凜凜咁坐係佢架c+車度,仲話車我返澳門,咁我當然好開心啦!!仲十熟狗頭咁上左佢車tim,,不過我知佢其實仲要車其他人,作為佢ge女人應該體諒佢,所以我坐左係後面,過左好耐,等左差唔多十幾分鐘,終於等到戈個要坐係我老公隔離ge女人出現喇...一上車,招呼都唔打,庄閒都唔識分,之後仲要話其實佢好早就落左堂,只不過係度影印姐~~我屌你,咁講法即係我地兩個等你好應該姐...下??係咪啊?你條八婆丫...
咁都算.戈對狗男女成程有講有笑,擺我係後面唔理,以前都唔覺,原來中樹雞架車ge後座位係如此的大如此的空虛,我就好似比人打左入冷宮一樣,無人問津.戈一刻心里面ge痛比我今日咀角粒暗瘡還要痛....
我真係唔明,點解我會咁命苦,一心一意對待一個人,換黎ge只係你背住我愛完一個又一個ge結果,做唔到你身邊的女人唔緊要,做你背後的女人也能很快樂,但為何你要這樣對我?我只需要你的一句說話去給我傷口止痛,但為何你要那麼的吝惜?我同你已經有三個可愛的愛情結晶品,但為何仍比不上她們的回眸一笑呢?想當初你為我ge病四處奔波,就算作奸犯科也在所不辭,但而家......
究竟~係我留住你ge能力有限,定係你個心一早已經唔係我度呢?
與其無了其等落去,不如做個了斷啦~~

誰也知夜夜與她那內情, 可惜我瞎了眼睛.....

我想一個人??

已經五點幾lu...岩岩唱完k返屋企,有點暈,但係都堅持要打blog,因為我覺得今晚的自己有點怪......

雖然今晚d fd都已經講到明係要介仔,但係唔知點解,我卻有意無意咁將自己封鎖起黎,一d都唔似平時ge自己,究竟點解自己會咁呢?受到咩刺激呢?我都唔知...唔通
我已經習慣左一個人戈種感覺?
原來唔講唔覺,呢排,生活雖然都係依舊無聊...
日日返學放學,放學或者行下街,唔係返屋企搵阿媽
之後食晚飯,再去補習
補完習返屋企就同2個白痴細妹博鬥下
就係咁,但我已經好耐冇再去諗一d唔應該諗ge野喇
對我黎講,呢點絕對係一件天大ge好事,起碼,我唔會再成日發姣了...
希望我真的大個女啦

愛的宣言

朋友 我當你一世朋友

係我人生呢廿年黎,曾經係我ge best fd ge,
好榮幸,十隻手指都數唔曬,但......
好遺憾,已經冇聯絡ge,都係十隻手指都數唔曬
唔通友情真係咁兒嬉?
以前初一有5魔女 (蝦蝦霸霸扮大家姐)
高三有3小花 (弱弱智智成日比人串)
呢d全部都係我人生里最靚ge回憶
到左而家大學ge一家人&大頭silvia
以上所有都係我真正發自內心ge好好好好......朋友
三小花 (寶芯妹, kitty,dodo姐)
寶芯妹:好開心,你冇因為做左荷而改變左,你依然同以前一樣會搵我,講好多野比我聽,但係可能你有
under哥ge關係啦,你總是重視佢多過重視我囉,哼,算啦...你呢個冇志氣ge女人,唔怪你!!
Dodo:你係一個好中2行街ge女人,成日搵我行街,因為咁,我同你從來冇生疏過,但係唔知點解,
我越來越覺得你唔同左,份人主觀左好多,比以前更加唔識為人著想,有時同你一齊好辛苦,究
竟點解會搞成咁?我係真心希望你好,希望你可以改下......唔好嬲
仲有 我真係要好多謝而家大學ge一班好朋友,你地帶比我好多歡樂,同你地一齊永遠都好開心,冇野煩,好似返返去細個咁,但係唔知點解我覺得我地即將會成為新聞系最懶 ,最冇作為戈一堆,我地真係要好好加油喇...大頭立:好多謝你唔理咩時候都會陪住我,仲有你白痴ge時候真係好白痴....
希望我同你地 (三小花&幸福戰隊)一世都係好朋友,就算海枯石爛,都唔比你地爛啊!!!!!!
仲有本人隨時歡迎而家電腦前ge你加入我ge 好朋友系列嫁,只要你有一顆善良的心即可!!

假期前夕......

好開心.返埋今日學就放復活節假喇!!!
今日我放左學之後,就走左去美容院gi黑頭,諗住過個靚靚ge假期,
點知~~戈個姐姐仔鬼死咁大力係咁gi,痛到我顛,我係咁叫佢停佢都唔停,唔知gi黑頭係咪係真係咁好玩呢?
終於gi完喇...跟住個姐姐你就同我講''拿,比塊鏡你睇下,係咪靚左好多呢?''跟住我滿懷希望咁望下塊鏡...哇!!頂...玩野啊....我不禁大叫，我見到自己塊面好似比蜜蜂針咁,又紅又腫,個樣已經衰到不能再衰咁....
到我比錢戈陣,我先至發現原來岩岩同我gi黑頭戈個姐姐塊面仲衰過我,滿佈痘痘,岩岩佢帶住口罩見唔到佢d瘡,到e+先睇清楚佢ge真面目,陰公...比佢gi完我塊面都唔知點算!!好心佢,自己都打理唔好仲要出黎為禍人間...唉.....唔知我塊面仲可以衰到咩程度
希望黑夜快點過去,聽朝我塊面會冇咁腫啦......其待中......

目標+++糯米雞

遙不可及的-----目標

有好多野想做

有好多野想諗

究竟 應唔應該諗? 應唔應該做?

真係好矛盾......

壓力....從未試過咁大,

為左自己想做ge野,又係咪值得去冒呢個險?

大個女,要為自己做ge野負責

唉...一唸到呢度,又想為自己找借口逃避了.......

ps:星期五發生左一件好爆笑ge事情,haha.....

新聞系唯一型男何冠球先生竟然著左條類似荷葉飯+糯米雞ge孖煙通返黎,話說仲要係hk

買ge 添,都唔明,人著佢又著,點解會著成咁...真係要問下佢媽先知咩事

好消息

好開心啊
終於個blog可以唔使usename同password就可以留言喇,大家快d留言比我啦
仲有如果你地想睇番之前D野可以去archives戈度搵番想睇ge月份就得嫁喇...多謝支持!!!
祝大家身體健康!!!

愛你變成恨你

星期五晚上,我同美鳳如常地返工,返工前,我買左個糖水比大佬財,因為第日係佢生日,作為佢條'靚',可以做GE就係咁,之後我仲唔知點解買多左個,可能係比佢個FD掛....
返工雖然要捱眼訓,但係我都覺得好好,因為有美鳳陪我,唔悶,而且仲可以見到佢---一個識左四個月.一句話都未同佢講過,但已經感覺好好GE人,佢唔係靚仔,但好可愛,乖乖咁,唔知點解次次一見到佢就好開心(唔係講笑嫁)佢就好似我生命中GE糖果咁,唔食唔會死,但一食就好開心,好甜.....

今日,我又見到佢,佢係度換緊水,我咪特登MOU係佢後面扮倒茶,點知...係佢將支蒸餾水倒轉GE同時,竟然將D水倒左落我身上,我即時大叫,儀態盡失,之後我感覺到有一隻溫暖GE手摸住我個頭,"對唔住啊"我即時好開心,帶住微笑咁望上去,點知...我見到美鳳摸住我個頭,=.=!!!戈個不責任GE男人就繼續係度倒水.正係講左句''對唔住啊,我唔係有心嫁!!''
唉....點解你可以咁對我嫁??雖然我唔係靚女姐,都唔使咁姐....同我講多句野會死咩?今晚個心真係淡曬,以前係我心里所有同你GE憧憬已經冇曬...
哼...!!!我唔愛你喇!!!