生日快樂TO妹妹

尋日廿六號係我兩個呀妹生日
為左隆重其事
尋晚就全家一齊係屋企打邊爐慶祝
屋企好耐都冇試過咁熱鬧喇...
有傾有笑咁
希望我戈兩個十分極之唔懂事ge呀妹
以後可以乖d啦..
18歲喇.....身在福中不知福...>.<

Merry Christms

今晚係平安夜．．．好期待
雖然冇咩特別感覺
但這是第一個與真正愛的人過的平安夜
一定要好好記下
多謝你特登請假陪我
令我過意唔去
仲有多謝你ｇｅ聖誕ｇｉｆｔ
我會好好對佢嫁喇
今晚條街一定會好多人
好多人玩噴雪．．．好想玩
但老了．．．以前同我一齊玩噴雪的都長大了
仲有邊個可以陪我顛？
身邊的朋友突然好像都不見了
係咪我忽視了他們？
還是他們忽視了我？
點都好．．．希望大家都有個ｈａｐｐｉ的聖誕啦！！

HOLIDAY

已經踏入左假期ge第三日喇
冇野做ge感覺真好
放假前夕..捱更抵夜咁
完成左份產品包裝設計
仲有該死P.R首映會
讀左大學咁耐都未試過咁顛去做功課
我諗...我終於真正讀大學喇！

話咁快又到聖誕節喇
放假GE日子
好想 豁出去漫遊 ar
但又唔知邊個旅遊團好....
想同文文去hk..又好想同JOAN佢地去大陸
開始活躍返喇...我要日日都出去狂玩
好耐都未試過喇.....
放假真好....但請不要給我寂寞的感覺

世上只有媽媽好

尋晚睇東方明珠
carol終於同佢呀媽好番喇
好土ge劇情，主角ge戲又屎
但我竟然喊左出黎
咁ge劇情竟然會touch到我？
呢排同mummy成日嘈交
三日唔埋兩日就嘈一獲
成日話我唔痴家....
有野做丫ma大佬...(真係有野做，唔通出去發牛豆咩)
點解成日唔體諒我？
佢緊張我，我知....鍚我，我知
但我真係唔知以點樣令佢開心d
要我唔做自己d野...冇可能吧
今日星期三佢知我唔使返學
特登去街市買左好多餸
全屋得我一個鐘意食辣
今日佢就煮左成兩碟好辣ge餸
我知佢專登整比我食
望住一枱ge食物，再望下佢
百般滋味湧上心頭.....係內疚？無奈定係慚愧？
咁多野一個人點食得曬..而且我喉嚨痛
最後緊係食左好多啦
傷害一個愛鍚自己ge人真係一件好白痴ge事
mummy係全世界最愛我ge人
但無心ge傷害我都唔想
我都想唔激嬲你囉......
我係咪太幼稚？太不孝？

良心發現

今日渣渣下車腦海突然一閃
諗起一個人
發覺原來自己對呢個人一直以黎都好衰
我將自己同佢一齊發生ge所有野重新諗一次
發覺自己好似唔係人
亦都當佢唔係人咁....成日都忽略佢感受
唉~~對唔住ar....可能慣左，你又唔話下我
習慣左對一個人差，真係幾難對番佢好
但今天起我會學識對你好...因為你都好需要人保護
珍惜身邊ge人真係好重要
因為你永遠都唔知佢幾時會離開你
我係唔會話你知佢係邊個嫁...費事比佢知我良心發現啦